ಕೇಂದ್ರದ ಮುಖ್ಯಸ್ಥ: ಶ್ರೀ ಕಾರ್ತಿಕ್ ಬಪ್ಪನಾಡ್

ಕಾರ್ತಿಕ್ ರವರು  ತಂತ್ರಜ್ಞಾನ, ನೀತಿ ಮತ್ತು ನೈತಿಕತೆಯ ಸಹಸಂಬಂಧದ ಕುರಿತು ಕೆಲಸ ಮಾಡಲು ಇಚ್ಛಿಸುತ್ತಾರೆ.

ಅವರು ಎರಡು ದಶಕಗಳ ಕಾಲದ ಮಾಹಿತಿ ತಂತ್ರಜ್ಞಾನ ಮತ್ತು ಕಳೆದ ಆರು  ವರ್ಷಕಾಲ ಸೈಬರ್ ಸುರಕ್ಷತೆಯಲ್ಲಿ ಅನುಭವವನ್ನು  ಹೊಂದಿದ್ದಾರೆ. ಸೈಬರ್ ನಿಯಂತ್ರಣ, ಗುರುತಿಸುವಿಕೆ(ಐಡೆಂಟಿಟಿ) ಮತ್ತು ಸಿಗುವಿಕೆ ನಿರ್ವಹಣೆ(ಆಕ್ಸೆಸ್ ಮ್ಯಾನೇಜ್‌ಮೆಂಟ್), ಸೈಬರ್ ವಿಪತ್ತು ನಿರ್ಧಾರಣೆ(ರಿಸ್ಕ್ ಅಸೆಸ್‌ಮೆಂಟ್ಸ್) ಮತ್ತು ಜಿಆರ್‌ಸಿಗಳಂತಹ  ಮುಂತಾದ ವಿವಿಧ ವಲಯಗಳಲ್ಲಿ  ಸಂಪೂರ್ಣ ಸೈಬರ್ ಭದ್ರತಾ ಕಾರ್ಯಕ್ರಮಗಳನ್ನು ಅವರು ನಿರ್ವಹಿಸಿದ್ದಾರೆ. ಭವಿಷ್ಯದ ಕಾರ್ಯಾಚರಣೆ ವಿಧಾನ ಸ್ಥಾಪನೆ, ಸೇವಾ ಪರಿವರ್ತನೆ, ಘಟನೆ ನಿರ್ವಹಣೆ, ಸಮಸ್ಯೆ ನಿರ್ವಹಣೆ, ಬದಲಾವಣೆ ನಿರ್ವಹಣೆ, ಬೇಡಿಕೆ ಮತ್ತು ಸಾಮರ್ಥ್ಯ ನಿರ್ವಹಣೆ, ತಿಳಿವಳಿಕೆ ನಿರ್ವಹಣೆ ಮತ್ತು ಹಣಕಾಸು ನಿರ್ವಹಣೆಗಳನ್ನೂ  ಸೇರಿದಂತೆ ಅಳವಡಿಕೆ ನೀಡಿಕೆ ಮತ್ತು ಐಟಿ ಸೇವಾ ವಿತರಣಾ ಪ್ರಕ್ರಿಯೆಗಳಲ್ಲಿ ಅವರು ವ್ಯಾಪಕ ಅನುಭವ ಹೊಂದಿದ್ದಾರೆ.

ಅವರು ಸಾರ್ವಜನಿಕ ನೀತಿ ಮತ್ತು ನೀತಿ ವಿಶ್ಲೇಷಣೆ ಬಗ್ಗೆ ಮತ್ತು ಸಾರ್ವಜನಿಕ ನೀತಿಗಳಿಂದ ಪರಿಣಾಮಕಾರಿ ಫಲಿತಾಂಶಗಳು ಹೊರಹೊಮ್ಮಬೇಕೆನ್ನುವ  ಜ್ಞಾನ ಮತ್ತು ಪ್ರಾಯೋಗಿಕ ಅನುಷ್ಠಾನದ ಕುರಿತು ಕೂಡ  ತೀವ್ರ ಆಸಕ್ತಿ ಹೊಂದಿದ್ದಾರೆ.